“İqtisadi İslahatlar” elmi-analitik jurnalının (ISSN 2790-2188, 2790-2196) təsisçisi Azərbaycan Respublikası İqtisadi İslahatların Təhlili və Kommunikasiya Mərkəzidir. Jurnal Azərbaycan Respublikasının Ədliyyə Nazirliyi tərəfindən 21 oktyabr 2021-ci il tarixində N4362 nömrəsi ilə mətbu nəşrlərin reyestrinə daxil edilmişdir.
“İqtisadi İslahatlar” jurnalı ölkənin davamlı iqtisadi inkişafını təmin etmək üçün makro və mikroiqtisadi səviyyədə təhlil və araşdırmalar, eləcə də orta və uzunmüddətli proqnozlar üçün platforma rolunu oynayır. Jurnalda məqalələr və analitik şərhlər, o cümlədən iqtisadi islahatlara dair təkliflər dərc olunur.
Jurnalda 3 dildə (azərbaycan, ingilis və rus dillərində) məqalələr dərc olunur.
2024-cü ildən etibarən “İqtisadi İslahatlar” jurnalı fəaliyyətini "online first publication" prinsipinə uyğun olaraq qurduğu üçün il ərzində 2 (iki) nömrəsi nəşr olunur.
Jurnala təqdim olunan məqalələr Azərbaycan Respublikasının Prezidenti yanında Ali Attestasiya Komissiyasının “Azərbaycan Respublikasında dissertasiyaların əsas nəticələrinin dərc olunması tövsiyə edilən dövri elmi nəşrlər qarşısında qoyulan tələblərə uyğun hazırlanmalıdır. Bu tələblərə cavab verməyən məqalələr çap edilmir.
“İqtisadi İslahatlar” elmi-analitik jurnalı açıq girişli (Open Access) jurnaldır.
Jurnalında çap edilən məqalələri ödənişsiz olaraq www.journal.ereforms.org səhifəsində oxumaq, paylaşmaq, elektron cihazlara yükləmə və tədqiqatlarda istinad verməklə istifadə etmək mümkündür.
“İqtisadi islahatlar” elmi-analitik jurnalının redaksiya heyəti sistemə yüklənən hər bir məqaləni ayrı-ayrılıqda diqqətlə yoxlayır. Yəni əlyazmanız rəyə göndərilməzdən əvvəl ilkin yoxlanışdan / filtrasiya prosesindən keçir. Əgər məqalə qoyulan tələblərə cavab vermirsə iki həftə ərzində geri qaytarılır(https://journal.ereforms.org/az/page/instructions-for-authors). Yoxlanışın birinci mərhələsindən uğurla keçən məqalələr rəyə göndərilr. Bu proses böyük bir məxfilik siyasəti ilə davam edir. Məqalələrin nəzərdən keçirmə prosesi tamamlandıqdan sonra əsərlər nəşr olunmaq üçün sıralanır. Müsbət rəy alan məqalələr iki həftə ərzində "online first publication" prinsipinə uyğun olaraq çap edilir.