Müəlliflərin nəzərinə!

İqtisadi İslahatların Təhlili və Kommunikasiya Mərkəzinin “İqtisadi İslahatlar” elmi-analitik jurnalında dərc edilmək üçün məqalə təqdim olunarkən qoyulan tələblər aşağıdakılardan ibarətdir:

• “İqtisadi İslahatlar” elmi-analitik jurnalına təqdim olunan məqalələrin strukturu ümumi qəbul olunmuş standartlara və Azərbaycan Respublikası Prezidenti yanında Ali Attestasiya Komissiyasının müəyyən etdiyi tələblərə uyğun olmalıdır;
• məqalənin adı 10-12 sözdən çox olmamaldır (UOT və ya JEL kodu, müəllif(lər)in adı, ata adı, soyadı, elmi dərəcəsi və elmi adı, işlədiyi təşkilatın adı, vəzifəsi, elektron poçt ünvanı və telefon nömrələri ardıcıllıqla göstərilir);
• məqalədə xülasə (150-200 sözdən ibarət) 10 sadə font ölçüsündə yazılmalı və tədqiqatın əsas məqamlarını bütünüylə əhatə etməlidir. Təsvir məlumatları doğru, qısa və tədqiqatın əsas nöqtələrini özündə cəmlənməlidir;
• müəllif məqalədə istifadə edilən ən mühüm mövzuları və ya çərçivələri göstərən minimum 5 açar sözün siyahısını təqdim etməlidir;
• giriş (tədqiq olunan mövzunun aktuallığı, öyrənilmə səviyyəsi, tədqiqatın hipotezası, araşdırmanın məqsədi göstərilir), tədqiqatın metodları, problemin təhlili, nəticə bölmələri, həmçinin mətndə istinadlar göstərilməklə istifadə olunmuş ədəbiyyat siyahısı verilməlidir;
• məqalənin sonunda elm sahəsinin və məqalənin məzmununa uyğun olaraq, müəllif(lər)in gəldiyi elmi nəticənin, işin elmi yeniliyi, tətbiqi əhəmiyyəti, iqtisadi səmərəsinin və s. aydın şəkildə verilməlidir;
• bütün riyazi formulalar açıq şəkildə qeyd edilməli və məqalənin əvvəlindən ardıcıl nömrələnməlidir. Onlar sadəcə (1), (2), (3) kimi nömrələnməlidir;
• cədvəllər və şəkillər məqalənin başlanğıcından etibarən ardıcıl ərəb rəqəmləri ilə nömrələnməlidir. Nömrələr cədvəllər və ya şəkillər mətnlərdə göründüyü sıraya əsasən təyin edilməli və qalın şriftlə soldan düzülmüş şəkildə olmalıdır. Bütün cədvəllər və şəkillərin başlığı olmalıdır;
• məqalənin həcmi minimum 3500 maksimum 7000 sözdən ibarət olmalıdır. Mətni WORD proqramında, 1,15 intervalda, Times New Roman-12 ölçülü şriftlə, hər tərəfdən 2,5 sm məsafədə, paraqraflar soldan düzülmüş şəkildə yazılmalıdır;
• məqalədə özünə istinad müəllif üçün 10 faizdən, həmmüəlliflər üçün 20 faizdən, “İqtisadi İslahatlar” elmi-analitik jurnalı üçün isə 15 faizdən çox olmamalıdır. Bu qaydanın pozulması aşkar olunarsa məqalə rəyə göndərilmədən geri qaytarılacaqdır;
• istifadə edilmiş ədəbiyyat siyahısında əvvəlcə Azərbaycan dilində, sonra isə türk, rus, ingilis, fransız, alman, ərəb və s. dillərdə olan mənbələr hər bir dilə uyğun əlifba sırası ilə düzülür və ardıcıl olaraq nömrələnir;
• istifadə edilmiş ədəbiyyat siyahısında əsasən son 10 ildə nəşr edilmiş elmi məqalələrə, monoqrafiyalara və digər etibarlı elmi mənbələrə, istinadlara üstünlüyün verilməsilidir. Biblioqrafik məlumatlar əlifba sırası ilə müəllifin soyadı, adı, atasının adı və ya nəşrin adı ilə verilir;
• məqalənin sonunda (ədəbiyyat siyahısından sonra) yazıldığı dildən əlavə, digər iki dildə (ingilis və rus dillərində) xülasə və açar sözlər verilməlidir. Hər bir xülasədə məqalənin adı, müəllif(lər)in tam adının göstərilməlidir. Xülasələrin yazıldığı dillərdə açar sözlərinin verilməlidir;
• məqalə jurnalın ekspertləri tərəfindən verilən müsbət rəydən sonra çap oluna bilər;
• “İqtisadi İslahatlar” elmi-analitik jurnalının bir sayında müəllif(lər)in iki məqaləsi dərc oluna bilməz;
• məqalələr üç dildə - azərbaycan, ingilis və rus dillərində çap oluna bilər;
• daha öncə nəşr olunmuş məqalələr təkrarən çap olunmur;
• bu tələblərə cavab verməyən məqalələr dərc edilmir və nəşr edilmiş məqalələrin əlyazmaları geri qaytarılmır.